ياعم سيبك دى بتاعة الحكومة !!!

ياعم سيبك دي بتاعة الحكومة

عبارة ازلية دايما بنسمعها وكان حاجات الحكومة دى ببلاش

نخرب فى كراسى ..

نخرب فى حيطان ..

فى صناديق مهملات ..

اى حاجة عاااااااااادى اصلها بتاعة الحكومة ..

ونسرق فى العهدة اصله مال الحكومة ..

ونهرب من وقت الشغل اصله شغل الحكومة ..

وفى الاخر البلد تتحول لخراااااااااااابة لا تصلح للمعيشة ..

ونرجع نقول فينك يا حكووووووووووومة

بجد الظاهرة دى بلاحظها فى كل المصريين ..

ليه كده يا جماعة المرافق العامة دى تخصك قبل ماتخص الحكومة ..

الوزير الفلانى مش هيحتاج الكرسى اللى فى الاتوبيس دا عشان يركبه ..

ولا المسؤل العلانى هيحتاج القزاز اللى انت كسرته ..

انتوا شايفين كده بردو ؟؟

وايه الحل فى الموضوع دا ؟

وايه اضراره ؟؟

اتمنى نتناقش فى الموضوع دا لأنه بجد مهم

فعلا عندك حق يا غزال الحجات دى بتاعتنا قبل متكون بتاعة الحكومة
عشان كدة لازم كل واحد يحافظ عالمرافق
لانه لما بيبوظها بيضر نفسه
ولا ايه رايكوا

hamouka كتب:: فعلا عندك حق يا غزال الحجات دى بتاعتنا قبل متكون بتاعة الحكومة
عشان كدة لازم كل واحد يحافظ عالمرافق
لانه لما بيبوظها بيضر نفسه
ولا ايه رايكوا

بالظبط يا حمادة

احنا اول ناس بنحتاج المرافق دى

كمان فى نقطة تانية

ايه منظر البلد لما تكون المرافق بايظة ؟؟

تطبعا شكلها بيبقى وحش جدا ويجوا السياح يكرهوا يدخلوا البلد

يعنى الضرر كبير جدا وماحدش حاسس

شكرا جدا ليك يا حمادة

شرفتنى بمرورك

وفى انتظار بقى المية مية