سلفنى عربيتك اتمنظر بيها ؟!

السلام عليكم ورحمة الله وبركاته

ازيكم يااخواتى

عندى موضوع حلو اوى هو عن

السلف

ياترى فى حد منكم ممكن يستلف علشان يبان فى مستوى غير مستواه ؟
ازاى يعنى ..

اقولكم يعنى ممكن تستلف عربية واحد صاحبك علشان تتفسح مع خطيبتك ( منظرة ) يعنى وكده ؟!

وياترى ممكن تستلفى لبس من واحده صاحبتك علشان لبسك مش قد كده ( منظرة )برضه ؟1

بلاش دى..........

طب ممكن تستلف علشان تروح تصيف علشان الناس ميقولوش انك مروحتش تصيف مثلا ؟!

طب ايه هى الحاجات اللى ممكن تسلفها او تستلفها ؟

وهل انت من مؤيدى موضوع انك مزنوق استلف ؟

طب هل انت ممكن تسلف حاجاتك يعنى عربيتك لبسك ماكياجك ؟!

طب بامانه عمرك استلفت حاجة وطنشت يعنى ما ردتهاش لصحبك ؟!( خليك فاكر بامانة )

طب ايه اغرب المواقف اللى حصلتلك فى موضوع السلف ده ؟

وايه هى اغرب حاجة سمعت عناه اتسلفت ؟

وايه هى اطرف المواقف اللى حصلتلك فى موضوع السلف ؟

مستنياكم تقولولى

وخليكم فاكرين ان " السلف تلف والرد ...........خسارة "

وبرضه افتكروا " ان من فرج عن اخية كربه فى الدنيا فرج الله كربه يوم القيامة"

تفتكروا ان ده يبرر انك تستلف علشان الحاجات اللى انا قولتها سابقا
ماأفتكرش
ولا انتو رايكم ايه ؟

طبعا كل اللى انت قلتيه مش داعى ان الواحد يستلف
اولا انا مشممكن استلف عربية حد رغم انى باعرف اسوق كويس
لكن السواقة ملهاش كبير يعنى العربية ممكن تتخبط منى سعتها صاحب العربية هيزعل جدا حتى لو صلحتهاله على حسابى
وبعدين انا ايه اللى يخلينى استلف عربية حد والتكسيات موجودة
وبامانة عمرى ماستلفت اكتر من القلم فى الفصل لو كنت نسيت قلمى
ده انا مرة كنت هاترفد بسبب موضوع القلم ده
وعمرى ماستلفت حاجة ومرجعتهاش
اما عن المواقف اللى شفتها فموضو السلف
مرة ابن عمى استلف العربية بتاعة بابا واتسحبة منه الرخصة يومها كانت اول مرة اشوف بابا زعلان كدة
عشان كدة مش باحب استلف عربية حد
لكن انا مش باحب اتاخر عن حد لو طلب انه يستلف منى حاجة
يمكن تكون الحاجة البسيطة اللى هاسلفهاله سبب دخولى الجنة